कथित विस्मृति

सम्हालिन जीवन खोजेकै थियो,

बदलिन सन्धर्भ थालेकै थियो,

उड्न पखेटा, के फ़िजाउन खोज्थे?

उही नमेटिने परिदृश्य अतितका,

फन फनी घुमिरहन्छ, दिमागै भरि आँखै भरि |

बाटो नयाँ खोलेकै थिए,

गन्तब्य फरक लिएकै थिए,

चाल्न पाइला, के उठाएको थिए?

उही सजिएका स्मृति अतितका,

झल् झली पोखीरहन्छन, पाइलै भरि गंतब्यै भरि |

विस्मृति जगाउन खोजेकै थिए,

जीवनमा नयाँ रङ्ग थापेकै थिए,

गती नयाँ के बढाउन खोज्थे?

उही छापिएका रंगेली अतितका

बुरबुरी उडिरहन्छ, बिपनै भरि, सपनै भरि |