यदि यस्तो हुँदो हो

सडक हिड्ने हुँदो हो, हामी स्थिर रहन्थ्यौ  

सडक स्थिर छ र त, हामी जिन्दगीभर दौडिरहन्छौं

समय रोकिने भए, अजम्बरी हामी हुन्थ्यौं

समय चल्छ, र त अनिश्चित भविष्यमा होमिन्छौं

मस्तिष्क स्थिर रहदो हो,मानिस कति निरर्थक हुँदो हो

मन तिब्र चल्छ, र त मानिस मानिसै बीच निर्दहि भो

यदि देव भैदिए, धर्मभिरुहरुका अभीष्ट नासिदो हो

अनस्तित्व छ, र त मन्दिर, मस्जिद, चर्च चुलिँदो भो

मुटुभित्र हृदय नहुँदो हो,मानव पथ्थरसरी खडा बस्थ्यो

हृदय छ र त मथिंगललाई प्रेमिल नथ्थिले डोर्याईबस्यो